РФ бырабыыталыстыбатын бэрэссэдээтэлин солбуйааччы — РФ президенин Уһук Илиҥҥэ боломуочуйалаах бэрэстэбиитэлэ, Дьокуускайга «БУОЙУН» киин кэтээн көрөр сүбэтин бэрэссэдээтэлэ Юрий Трутнев «Буойун Суола» Бүтүн Россиятааҕы бастакы байыаннай-тактическай күрэхтэһии кыайыылаах хамаандатын кытта көрүстэ.
Күрэхтэһиини «БУОЙУН» киин Саха сирин бырабыыталыстыбатын уонна Россия бойобуой снайпинг Федерациятын өйөбүлүнэн, Юрий Трутнев сорудаҕынан «БУОЙУН» Киин курсаннара ылбыт билиилэрин практикаҕа бэлэмнээһин уонна бигэргэтии тиһигин тупсарар сыалтан тэрилиннэ.
«Саха сирин хамаандатын “Буойун Суола» бүтүн Россиятааҕы бастакы күрэхтэһиилэргэ кыайбытынан эҕэрдэлиибин! Биһиги эһигини кэтээн көрбүппүт, ыалдьыбыппыт. Миэхэ күрэхтэһиилэр тустарынан видеоны ыыталлара. Бу күрэхтэһиини оонньуу курдук ыыппаппыт, улахан олоххо, Ийэ дойдуну көмүскүүргэ бэлэмнииргэ көмөлөһөр сыалтан оҥоробут. Туох төрүөт буолла? Биһиги эһиги лазертагтаах суол тула сүүрэргитигэр, тактическай комбинациялары оҥороргутугар эрэ буолбакка, кыайарга үөрэнэргитигэр аныыбыт. Биллэн турар, эһиэхэ үөрэнэр элбэх. Биһиги эмиэ үөрэнэбит. Билигин полигонтан кэллибит. Бүгүн губернатордарбыт уот кирбиилэригэр, бэҕэһээ турнирга кыттан, ыраах сиргэ снайпер сэбин кытта үлэлээн, үчүгэй түмүгү көрдөрбүт байыастары кытта тэҥҥэ сылдьаллар. Эһигини кытта салгыы үлэлиэхпит, сайдыахпыт, Россиябытын күүһүрдүөхпүт», — диэтэ Юрий Трутнев.
Күрэхтэһии финала балаҕан ыйын 15-20 күннэригэр Дьокуускайга ыытылынна. Онно «БУОЙУН» Киин филиалларын түөрт хамаандата кыттыыны ылан, Волгоградка сүүмэрдиир түһүмэх түмүгүнэн бастыҥ көрдөрүүлэннилэр – «Боотур» (Саха Сирэ), «Соболь» (Тюмень уобалаһа), «Амур Буойуннара» (Хабаровскай кыраай) уонна «Сталинград» (Волгоград уобалаһа). Күрэхтэһии түмүгүнэн бастакы миэстэни «БУОЙУН» Киин Саха Өрөспүүбүлүкэтин филиалын хамаандата, иккис миэстэни Тюмень филиалын этэрээтэ, үһүс миэстэни Волгоград уобалаһыттан уонна Хабаровскай кыраай хамаандалара ыллылар.
Сиһилии манна аах.
