Ыччат күнүгэр, бэс ыйын 29 күнүгэр, «Ыччат ситимэ — 2024» бэстибээл Үс Хатыҥҥа буолла. 1000-тан тахса киһи кыттыыны ылла. Бу күн «Сила России» спортивнай хамсаныыга кытыннылар.
Ыччат мустан мас-рестлинг, гиирэ көтөҕүүтэ, тутум эргииргэ күрэхтэстэ. Маастар-кылаастар буоллулар: илиинэн оҥоһуу, уруһуй, дрону ыытыы, куоласка үлэлээһин, киберспорт. Бэстибээл «Этно-шоу» бырагырааманан түмүктэннэ.
Үөрүүлээх чааһыгар бастыҥ үлэлээхтэргэ наҕараада туттарылынна:
«Саха Өрөспүүбүлүкэтигэр ыччат бэлиитикэтин туйгуна» бэлиэ Галина Сидороваҕа.
«Дьокуускай куорат ыччатын бэлиитикэтигэр кылаатын иһин» бэлиэ Лилия Сивцеваҕа, Наталья Шубинаҕа, Валерий Ефимовка.
Дьокуускай куорат дьаһалтатын махтал суругунан Алена Кононова, Эрнест Васильев.
