Мииринэй олохтоохторо эмиэ массыанньыктарга түбэстилэр. Соторутааҕыта түөкүттэргэ түбэспт ыал полицияттан көмө көрдөөбүт. Бу ыалы 2 мөл. сууммаҕа албыннаан финансовай пирамидаҕа киллэрбиттэр, диэн ЯСИА-ҕа МВД пресс-сулууспата биллэрдэ.
Түөкүннээччилэр бу дьоҥҥо харчыларын кылааттаатахтарына улахан бырыһыаны эрэннэрбиттэр. Харчыларын хас да бүк үрдэтэр баҕа санааттан бу албыҥҥа киирэн биэрбиттэр. Буоларын курдук, массыанньыктар бу кэннэ мэлийбиттэр.
Аны туран, Удачный куорат 51 саастаах олохтооҕо атын албыҥҥа түбэспит. Бу киһиэхэ төлпүннээбиттэр уонна робот куолаһа мобильнай бааныҥ нүөмэрэ уларыйда диэн биллэрбит. Салгыы төлөпүөнү баан операторыгар биэрбиттэр, онуоха оператор бу киһи картатыттан харчы уоран эрэллэр диэн кэпсээбит. Ол эрээри, кини билигин смс нөҥүө кэлбит нүөмэри төлөпүөнүнэн биллэрдэҕинэ, бу операцияны тохтотуох буолбут. Ньочооттоох киһи барытын эппитэрин курдук гыммыт, ол кэннэ хаартатыттан 146 тыһ. устубуттар.
This post was published on 12.11.2021 15:05 15:05