Россиятааҕы «Время молодых» бириэмийэҕэ ситиһиилээх ыччаттан сайаапкалары хомуйуу атырдьах ыйын 16 — 31 күннэригэр буолар. Наҕараада ыччат бэлиитикэтигэр үлэлиир тэрилтэлэри, лидердэри, сотрудниктары, салайааччылары уонна хамаандалары өйүүр сыалтан ыытыллар, суруйда «Росмолодежи».
2024 сыллааҕы номинациялар: «Событие года», «Сообщества молодых», «Друг молодых», «Место молодых», «Голос молодых», «ГосСтарт» уонна «Друг России».
Сайаапкалар көҥүл бэрээдэгинэн ыытыллаллар. Манна анаан «Вклад в молодость» номинация баар. Ыччаты кытта үлэлиир исписэлиистэргэ идэ маастарыстыбатыгар куонкурус эмиэ бириэмийэ биир сүрүн чааһын ылыаҕа.
Өссө биир куонкурус — «Молодежная столица России — 2025» буолар.
Бириэмийэ туһунан сиһилии бу сигэнэн киирэн ааҕыҥ.
