Ахсынньы 12 күнүгэр «Водоканал» АУо Донбаһы өйүүр хотугулуу-илиҥҥи пуондаҕа «Сокол» хаарынан-кутанан айанныыр техникатын биэрдэ. Тырааныспар анал байыаннай дьайыыга сулууспалыыр Саха сирин буойуттарыгар тиксэриллиэҕэ.
Санаттахха, «Водоканал» олунньуга байыастарга икки УАЗ-массыына биэрбитэ.
Тэрилтэ кэлэктиибэ куруук баҕа өттүнэн биир дойдулаахтарыгар көмөлөһөр. Быйыл оннук көмө 1,5 мөл солк куоһарда. СВО-ҕа сулууспалыыр коллегаларын дьиэ кэргэттэригэр көмөлөһөллөр.
