Санкт-Петербурга тохсунньу 25 — 29 күннэригэр «Внуки Победы. Ленинград» кыайыылаахтар кэлэр көлүөнэлэрин сүлүөтэ буолуоҕа. Саха сирин Майя Карманова уонна Тимур Егоров көрдөрүөхтэрэ.
Майя Карманова — Амма улууһун оҕону иитиигэ уонна оҕо уопсастыбаннай хамсааһыннарыгар дириэктэрдэр сүбэһиттэрин муниципальнай куратордара буолар, Тимур Егоров — «Волонтеры Победы» хамсааһын регионнааҕы салаатын толорооччу дириэктэрэ.
Майя Карманова оҕолор кыраайы үөрэтэр уонна төрүттэрин чинчийэр бырайыактарын салайар. Билигин кини аҕатын туһунан кинигэ суруйар, онно Аҕа дойду улуу сэриитин кэмигэр Ленинграды көмүскүүргэ кыттыбыт эһэтигэр анал бас баар буолуоҕа.
Тимур Егоров үлэтигэр гражданскай-патриотическай иитии, историяны харыстыырга анаммыт тэрээһиннэри ыытыы уонна тэрийии киирэр.
«Внуки Победы. Ленинград» сүлүөтү, РФ президенэ Владимир Путин сорудаҕынан, «Волонтеры Победы» уопсастыбаннай хамсааһын ыытар. Манна 650 тыһ киһи Россия 89 субъегыттан уонна аан дойду 59 дойдутуттан киирэр.
Дьаһал Ленинграды фашистартан босхолооһун 80-сылыгар ананар.
