Көҥүл тустууга аан дойду чөмпүйүөнэ Виктор Лебедев Рио-де-Жанейроҕа ыытыллар Олимпийскай оонньууларга кыттыбат. Россия хамаандатыгар кинини киминэн да солбуйбатылар. Ити туһунан РФ спортивнай тустууга федерациятын салайааччыта Михаил Мамиашвили киин бэчээккэ эттэ.
Бу иннинэ Россия Олимпийскай кэмитиэтин президенэ Александр Жуков греко-римскэй, көҥүл уонна дьахталлар тустууларыгар барыта 17 спортсмен кыттыахтааҕын туһунан эрдэ этиллибитин, онтон 16-та кыттарын быһаарда.
«Лебедев Олимпиадаҕа кыттыбат. Кинини киминэн да солбуйбаппыт», — диэтэ Михаил Мамиашвили.
This post was published on 29.07.2016 10:30 10:30