Өлүөнэ өрүс уҥа кытылыгар Өлүөнэ муостатын тутууга инфраструктураны бэлэмнээһин түмүктэннэ. Производственнай сыахтардаах, тутуу матырыйаалларын ыскылааттардаах уонна анал техника гаражтардаах технологическай былаһааккалар, икки аныгы бетон-булкаас установкалар тэрилиннилэр.
Муоста 17 тирэҕэр анаан арматураттан 341 каркас оҥоһуллубут. Технологическай аартыктары кутуу түмүктэнэр. 5,5 км уһуннаах массыына чугаһыыр тутуута ыытыллар, 95 тыһыынча кубометр буор ууруллубут. Өлүөнэ уҥа кытылыгар ыытыллар үлэ кээмэйин туһунан — «ВИС»Бөлөх видеотыгар көрүҥ.
