Бу күннэргэ куйаар ситиминэн Дьааҥы улууһун Барылас нэһилиэгин табаһыта бөрөлөр элбээн, эрэй бөҕөнү көрдөрбүттэрин туһунан видеота тарҕанна.
Хаһан эрэ маннык тарҕана сылдьыбыта дии санаан баран, Барылас дьаһалтатын баһылыгар Иван Стручковка хайдаҕын-тугун чуолкайдаһаары эрийдибит.
— Бу икки сыллааҕыта тарҕаммыт видео эргийэ сылдьар эбит. Ол эрээри биһиэхэ бу адьырҕа кыыл баар. Быйыл түөрт бөрөнү бултаабыттара. Ол курдук, бу хаартыскаҕа көрөр булчуккут Слепцов Илья Васильевич адьырҕалары сонордоһор. 700-чэ табалаахпытын кэтиибит-маныыбыт, — диэтэ Иван Васильевич, суруйда Женни Стрюкова, Саха сирэ саайт.
