Балаҕан ыйын 11 күнүгэр Владивостокка Илиҥҥи экэнэмиичэскэй пуорум кэмигэр Ил Дархан Айсен Николаев уонна Кемеровскай уобалас губернатора Сергей Цивилев бииргэ үлэлээһин туһунан сөбүлэһиигэ илии баттаатылар, диэн Саха сирэ суруйар.
Ол курдук, икки эрэгийиэн атыы-эргиэн, наука, култуура уо.д.а атын эйгэлэргэ бэйэ бэйэлэригэр көмөлөһүөхтэрэ. Докумуон эрэгийиэннэр тэрилтэлэрин атыы-эргиэн, экэнэмиичэскэй уонна инвестиционнай сибээстэрин сайыннарыыга туһаайыллар.
Санатан суруйдахха, Саха сирэ уонна Кузбасс 2018 сылга Илиҥҥи экэнэмиичэскэй пуорум кэмигэр аан бастаан сөбүлэһии туһунан докумуоҥҥа илии баттаабыттара. Онно икки эрэгийиэн тырааныспар, бырамыысыланнас, култуура, успуорт, туризм уо.д.а эйгэлэргэ бииргэ үлэлиир туһунан быһаарыы ылбыттара.
Саха сирэ
