13 От ыйа 13.07
  • 18°
  • $ 87,74
  • 95,76

Василий Парников таҥара сулууспатын үрдүкү наҕараадатын тутта

12:03, 22 августа 2023
Читайте нас на
Яндекс Новости
ЯДВ

“Кэнчээри” ансаамбыл дойдуга хор ускуустубатын тарҕатыыга улахан үтүөлэрэ ахтылла тураллар. Аҕыйах хонуктааҕыта бу ансаамбылы төрүттээбит уонна билигн да салайа сылдьар Василий Парников Нуучча сирин бүттүүнүн уонна Москва митрополита Кирилл 2023 сыл ыам ыйын 31 күнүнээҕи Ыйааҕынан Нуучча таҥаратын дьиэтин  үрдүкү наҕараадатынан “Албан Аат уонна Чиэс” уордьан мэтээлинэн наҕараадаланна.

Таҥара сулууспата “Кэнчээри” ансаамбыл хорун сэҥээрбитэ ыраатта. Ол оруннаах хор ырыата диэн аан бастаан таҥара дьиэтигэр үөдүйбүтэ. Онтон тэнийэн улахан искусствоҕа кубулуйбута. Кэнчээрилэр 2007 с. нуучча таҥаратын сулууспатын саамай улахан уораҕайыгар, Москваҕа баар Христос Храмыгар сахалыы литургияны ыллааннар үйэлэргэ хаалар түгэни оҥорбуттара.

Саха сирин таҥаратын сулууспатын салайааччылара Василий Парников үлэтин кэтээн көрөллөр уонна үрдүктүк сыаналыыллар. Ол курдук Владыка Зосима кинини Сибэтиэй Иннокентий уордьанынан наҕараадалаан турар. Оттон билиҥҥи Владыка Роман дойду таҥаратын сулууспатын үрдүкү наҕараадатыгар түһэрэн мэтээлинэн наҕараадаланна.

Хорутуулаах үлэттэн Албан аат, чиэс кэлэрин биир холобура Василий Парников буолар.

Афанасий Сектяев, Мүрү Саһарҕата

Следите за самым важным и интересным в Telegram-канале и WhatsApp-группе ЯСИА
Тутаах тыллар