Баһаар Уус-Майа оройуонун Бэлькичи сэлиэнньэтигэр култуура дьиэтигэр тохсунньу 14 күнүгэр буолла. Ол туһунан РФ ЫБММ Саха сиринээҕи салаатын пресс-сулууспата иһитиннэрдэ.
«Баһаар түмүгэр өлбүт, эмсэҕэлээбит дьон суох, тутууну барытын иэнинэн алдьатта — 300 кв.м. Барыллаан төрүөтүнэн электропроводтар буоллулар», — дииллэр биэдэмистибэ иһитиннэриитигэр.
Уоту бохсууга баҕа өттүнэн баһаарынай хамаандаттан 20 киһи кытынна, ону тэҥэ икки тиэхиньикэ үлэлээтэ.
Саха сиригэр сууккаҕа барыта икки техногеннай баһаар бэлиэтэннэ. Өссө биир уот Нерюнгри оройуонун Чульманыгар буолла, онно уот үс кв. м. самосвал кабинатын эчэттэ.
