Элбэх сыл ыра санаам туолан, дьон тэҥэ саҥа олбуорданан түөлбэм олохтооҕор И.Г. Пуховка махтаныахпын баҕарабын, диэн «Мүрү саһарҕата» телеграм-ханаал суруйар.
Кини кэккэ сылларга уокка оттор маспын куруук киллэрэн, эрбэтэн, тугу көрдөһөбүн да өрүү толорон биэрэн улаханнык абырыыр. Бу олбуорбун С.Н. Васильев буолан саҥалыы 70-ча остуолбаны туруораннар, баҕам хоту штакетниктаан, вороталаан сааһырбыт киһиэхэ сыаната биллибэт хайҕаллаах дьыаланы оҥордулар.
Аны улуус салалтата, олохтоох нэһилиэгим дьаһалтата республика араас үөрэх тэрилтэлэриттэн хомуллубут строй этэрээттэри тэрийэн, Уус Алдан нэһилиэктэринэн кэритэн СВО-лар дьиэ кэргэттэригэр ким туох кыһалҕалааҕынан эмиэ көмө оҥордулар.
Өр сылларга үлэлээбит балыыһам кэлэктиибэ, билигин сынньалаҥҥа олорор бэтэрээн үлэһиттэр олбуорум кырааскатын сотуһан, уһун сайыны да быһа бүтэрбэт үлэбэр баҕа өттүнэн көмөлөһөн, үөрүүм, махталым муҥура суох.
Анна Винокурова
