Хабаровскайдааҕы Кытай Народнай Өрөспүүбүлүкэтин генеральнай консула Цуй Гоцзе СӨ Уһук Илин федеральнай уокуругар бэрэстэбиитэлигэр Вадим Николаевка 16 000 устуука харыстанар маасканы Уус Алдан улууһун олохтоохторугар анаан туттарда.
Цуй Гоцзе Саха сирэ Кытай Өрөспүүбүлүкэтин кытары бырааттыы сыһыанын түмүгэр уонтан тахса хардарыта гуманитарнай көмө оҥоһуллубутун бэлиэтээтэ.
Санатабыт, олунньу ыйга Алексей Федотов салалталаах Уус Алдан улууһа Кытай Хэйлунцзян провинциятын олохтоохторугар гуманитарнай көмө оҥорон турар.
