Бүгүн Тулунаҕа үөрүүлээх күн буолла. Ол курдук, хаарбах дьиэттэн көһөрүү бырагырааматынан биэс кыбартыыралаах дьиэ тутуута түмүктэнэн үлэҕэ киирдэ, бу туһунан Мүрү Саһарҕата ТГ-ханаала суруйар.
Үлэҕэ киирбит 50 кв.м. иэннээх биэс кыбартыыралаах толору хааччыллыылаах дьиэни Тулунаттан төрүттээх «Технопрофи» тутуу тэрилтэлээх ини-бии Ким, Василий Калиновтар туппуттара олохтоохторго икки бүк үөрүүлээх.
Манна биэс ыал көстө. Кинилэргэ улуус баһылыга Василий Аммосов уонна нэһилиэк баһылыга Петр Бурнашев дьиэ күлүүһүн туттардылар.
«Россия бэрэсидьиэнэ Владимир Путин көҕүлээбит «Хаарбах дьиэ» национальнай бырайыак иитинэн элбэх ыал олорор усулуобуйатын тупсарда. Бу олус үчүгэй бырагыраама олоххо киирэн үгүс дьону дьоллоото. Тулунаҕа тутуллубут бу дьиэ бары ирдэбилгэ эппиэттэһэр гына оҥоһулунна. Үлэлээбит дьон үтүө суобастаахтык болдьохторугар киллэрбиттэрэ үөрүүлээх”, – диэтэ Василий Аммосов.
