Уус Алдан улууһун баһылыгын солбуйааччы Григорий Аргунов салайааччылаах бөлөх анал байыаннай дьайыы буола турар сиригэр биир дойдулаахтарбытыгар баһыылкалары туттараллар, диэн суруйда тэрилтэ пресс-сулууспата.
Улуус олохтоохторун көмөтүнэн «Эрэл» пуондаҕа киирбит харчынан икки квадроцикл уонна үс матассыыкыл атыыласпыттарын уонна урбаанньыт Игорь Жирков көмө оҥорон туттарбыт «Тимир ат» матассыыкылын, итиэннэ улуус олохтоохторо хомуйан туттарбыт көмөлөрүн тиэрдиэхтэрэ.
Хаартыска: Уус Алдан улууһун дьаһалтатын пресс-сулууспата
Бөлөххө улуустааҕы «Эрэл» пуонда салайааччыта Иван Захаров, улуус дьаһалтатын анал байыаннай дьайыы боппуруостарыгар исписэлииһэ Егор Черкашин, Москва куоракка олорор биир дойдулаахтарбыт, сырыы аайы көмө буолар суоппардар, итиэннэ Саха сириттэн анал байыаннай дьайыыга сылдьар буойуттарга көмөлөһөр Москватааҕы суһал штаб салайааччыта Лена Афанасьевна Алексеева сылдьаллар.
