Бу түбэлтэни туоһулаһан, сиһилии билистибит, диэн «Мүрү саһарҕата» телеграм-ханаал суруйар.
Мүрү нэһилиэгин олохтооҕо Геннадий Оллонов бу күннэргэ Томтор аннынан суол кытыытыгар көтөр кыаҕа суох сытар хаар эбэ мэкчиргэни булбут.
Геннадий бэйэтэ булчут киһи, бу биһиги эргин сэдэх көтөрү туруга мөлтөҕүн, көтөр кыаҕа суоҕун көрөн, дьиэтигэр аҕалан аҕыйах күн көрбүт.
“Бастаан көтүө дии санаабытым, видеоҕа устаары чугаһаабыппар – көппөтөҕө. Туох эрэ буолбут диэн, дьиэбэр аҕалбытым, интэриниэттэн көрөн аһата сатаабыппыт. Бастаан аньыырҕаан аһатан баран, ыыппыппыт да, көппөтөҕө. Хас да күн аһатан баран, эмиэ көтүтэ сатаабыппыт да, көппөтөҕө. Онон куоракка «Зоополис» диэн дьоҕус зоопаркаҕа илдьэн эмтэтэ киллэрбитим. Анал үөрэхтээх, сыһыаннаах дьон көрөн-харайан эмтиэхтэрэ, өрүһүйүөхтэрэ диэн эрэнэбин”,
– диэтэ үтүө быһыыны оҥорбут Геннадий Оллонов.
Екатерина Захарова
