Бороҕоҥҥо күүтүүлээх «Запад-2» хочуолунайы тутуу олоххо киирэр кыахтанна, диэн улуус дьаһалтата телеграм-ханаалыгар суруйар.
Бэҕэһээ, Новосибирскай куораттан, Бороҕоҥҥо тутуллуохтаах, улахан кыамталаах «Запад-2» хочуолунайы тутар «Инженерные сети-проект» хааччахтаммыт эппиэтинэстээх тэрилтэ тутуутун салайааччыта Алексей Литвинов кэлэн, ыытыллыахтаах үлэ былааннарын билиһиннэрдэ.
Билиҥҥи туругунан тутуу матырыйааллара сакаастанан, оҥоһулла сылдьаллар, бүттэҕинэ таһаҕастанан, тиэллэн кэлиэхтээх, онон хочуолунай тутуллуохтаах сирин бэлэмниир үлэлэри икки нэдиэлэнэн саҕалыахтара.
Санатан эттэххэ, «Запад-2» хочуолунай толору механизациялаах, 24 МВт кыамталаах, 2,6 километр уһуннаах саҥа теплотрассалаах. Уопсайа 624 тирэх түһүөҕэ. Үлэҕэ киирдэҕинэ 4 хочуолунай тепловой пуннарга көһүөхтэрэ.
Улуус дьаһалтатын пресс-сулууспата
