11 Атырдьах ыйа 11.08
  • 16°
  • $ 60,45
  • 61,7

Уус Алдаҥҥа аныгылыы хочуолунай тутуллуоҕа

Уус Алдан улууһун киинигэр квартальнай хочуолунай тутуута салҕанар. Бырайыак ОДьКХ сайыннарыыга пуонда үбүлээһининэн оҥоһуллар. Маннык эбийиэк өссө Саха сиригэр суох, диэн регион сүрүн пресс-сулууспата иһитиннэрдэ.

Бырабыыталыстыба бэрэссэдээтэлин бастакы солбуйааччыта Дмитрий Садовников хочуолунайы, насоснай ыстаансыйаны уонна чох харайыллар ыскылаатын көрдө. «Инженерные сети» бэдэрээт тэрилтэтин салайааччыта Андрей Алексеев эппитинэн, эбийиэк бэс ыйыгар үлэҕэ туттарыллар.

«Бороҕоҥҥо Восток-1 чоҕунан оттуллар хочуолунай тутуутугар өрөспүүбүлүкэ сайаапкатын ОДьКХ сайыннарыыга пуонда 2020 сыл ахсынньытыгар өйөөбүтэ. Бэдэрээт тэрилтэтэ үлэҕэ 2021 сыл бэс ыйыгар туруммута уонна күһүн эбийиэк туттарыллыахтааҕа. Ити эрээри тутуу уһаабыта. Билигин эбийиэк бэлэм. Ис отделката уонна территория благоустройствота эрэ хаалла», — диэтэ Садовников.

Эбийиэк уопсай суумата 447,83 мөл солк. Онтон 268,7 мөл солк пуонда көрдө, 179,13 мөл солк – СӨ ОДьКХ харчыта.

Хочуолунай чоҕунан оттуллар уонна эрдэ ньиэп оттуктаах «Восток» уонна «МСШ-2» хочуолунайдары солбуйуоҕа.

Следите за самым важным и интересным в Telegram-канале и WhatsApp-группе ЯСИА
0
0