Арассыыйаҕа кэлэр үлэ нэдиэлэтэ, Аҕа дойдуну көмүскээччи бырааһынньыгын күнүгэр бэнидиэнньик түбэһэринэн, кылгас буолуоҕа.
Өрөбүллэр субуотаттан саҕалаан, олунньу 21 күнүттэн олунньу 23 күнүн хабан туран, буолуохтара.
Онон Арассыыйа олохтоохторун быйыл бастакы түөрт күннээх үлэ нэдиэлэтэ күүтэр — олунньу 24 күнэ — олунньу 27 күнэ.
Уочараттаах үс күннээх өрөбүл уонна кылгас нэдиэлэ Аан Дойдутааҕы дьахталлар күннэринэн сибээстээн, кулун тутар ыйга буолуоҕа.
Быйыл Кулун тутар 8 күнэ өрөбүлгэ түбэһэр, онон өрөбүл күн сокуонунан чугас үлэ күнүгэр көһөр. Арассыыйа дьоно биэс хонуктаах үлэ нэдиэлэлээхтэр, кулун тутар 7 күнүттэн кулун тутар 9 күнүгэр диэри сынньаныахтара. Оптуорунньукка, кулун тутар 10 күнүттэн кулун тутар 13 күнүгэр диэри үлэ нэдиэлэтэ саҕаланыаҕа.
Манна даҕатан эттэххэ, өрөбүллэр иннилэригэр баар икки бээтинсэ кылгас үлэ күнүнэн биллэриллибэттэр, тоҕо диэтэххэ, бырааһынньык иннинээҕи күн буолбатахтар. Үлэ күнэ нуорма быһыытынан барар.
