Муниципалитеттар тыа хаһаайыстыбатын сирдэрин туһаҕа таһаарыыга уонна үрдүк көрдөрүүлэри биэриигэ систиэмэлээх үлэни ыыталлара бэлиэтэннэ.
«Хайысха бастакы былааҥҥа тахсар. Тыа хаһаайыстыбатын биир да көрүҥэ сирэ суох үлэлэммэт. Куттала суох бородууксуйаны бэлэмнээһиҥҥэ баар сирдэри эрэ туттуунан муҥурдаммакка, саҥа учаастактары үлэлэтии көхтөөхтүк барыахтаах. Биһиги баар көрдөрүүлэри анаалыстыыбыт, салгыы үлэлииргэ олус наадалаах буолуоҕа», — диэтэ мунньах салайааччыта, бырабыыталыстыба бэрэссэдээтэлин солбуйааччыта Сергей Местников.
Мунньах кэмигэр 2024 сыллааҕы үлэҕэ түмүктэри кэпсэттилэр. Тыа хаһаайыстыбатын сирдэрин туттуу, федеральнайдааҕы бюджет суотугар оҥоһуллар кадастровай үлэлэр тустарынан. Судаарыстыбаннай бырагыраама Российскай Федерация тыа хаһаайыстыбатын сирдэрин эргииргэ таһаарыыга уонна мелиорация комплексын сайыннарыыга ананар.
