Саха сиригэр 2024 сылга 2956 киһи өр сылларга тыа хаһаайыстыбатын салаатыгар үлэлээбиттэрин иһин биэнсийэлэригэр эбии төлөбүр ылаллар. Маннык миэрэни социальнай пуонда тыа хаһаайыстыбатын салаатыгар 30-тан кырата суох ыстаастаах тыа сиригэр олорор үлэлээбэт биэнсийэлээхтэргэ көрөр. Ол туһунан тэрилтэ пресс-сулууспата суруйда.
Эбии төлөбүр сааһынан страховой биэнсийэҕэ эбэтэр инбэлиитинэн биэнсийэҕэ көрүллэр халбаҥнаабат төлөбүртэн 25% ылар. 2024 сылга кээмэйэ 2033,72 солк, үһүс группалаах инбэлииккэ — 1016,86 солк эбиллэр.
Эбии төлөбүр биэнсийэлээх кэлин куоракка көстөҕүнэ да оннунан хаалар.
Эбии төлөбүрү кимнээх ылалларын испииһэгэр 500 идэ сурулла сылдьар. Ол иһигэр механизатордар, массыынанан ынах ыаччылар, тыа хаһаайыстыбатын техникатын өрөмүөннүүр слесэрдэр.
Оттон биэнсийэлээх саҥа үлэҕэ тахсар түбэлтэтигэр эбиллии уһуллар. Үлэтиттэн уурайдаҕына саҥаттан көрүллэр. Сайабылыанньа суруйар ирдэммэт.
Сиһилии ыйытыыларгытын биэриэххитин сөп: 8 800 100-00-01 (босхо), 09:00 — 18:00 чааска.
