Киин куоракка киһи сэргиирэ, интэриэһиргиирэ элбэх, онно көннөрү экскурсия да тэриллибэтэ кыбыстыылаах. Ити туһунан туризмҥа боломуочуйалаах Андрей И этэр.
«Манна кэлбит дьон -50 кыраадыска ресторантан, гостиницаттан атыны көрдөттөр дуо? Биһиги куораппытыгар элбэх интэриэһинэй, киһи сэргиирэ, сэҥээрэрэ элбэх. Холобур, Чочур Мырааҥҥа, онтон ирбэт тоҥ саарыстыбатыгар, Атласовтар уһаайбаларыгар барыахха, сылдьыахха сөп», —диир Андрей И.
Экологическай туризм сайдарыгар ураты болҕомто ууруллуохтааҕын кини ыйар. Инфраструктура мөлтөҕүн тухары дьон Саха сиригэр күргүөмүнэн сынньана кэлэригэр харгыстар баар буола туруохтарын кини ойуччу тутан этэр.
Туризмҥа боломуочуйалаах бу эйгэни салайыыга, айанньыттар бырааптарын көмүскээһиҥҥэ, судаарыстыбаннай уонна уопсастыбаннай бырагыраамалар олоххо киириилэригэр быһаччы кыттыһар, үлэлиир соруктаах.
This post was published on 14.12.2016 10:40 10:40