Саха сирин Томпо оройуонугар «Дьааҥы» айан суолугар икки муостаны тутуу салҕанар. Эбийиэктэр «Инфраструктура для жизни» национальнай бырайыак чэрчитинэн тутуллаллар уонна айан тиийимтиэтин үрдэтиэхтээхтэр. Ол туһунан Саха сирин суол упраавлениета иһитиннэрэр.
Уулаах уонна Кураанах үрэхтэри туоруур муосталары тутууну былырыын саҕалаабыттар. Үлэни «Строймост» ХЭО бэдэрээттэһэр тэрилтэтэ толорор. Бүгүҥҥү күҥҥэ икки эбийиэккэ сүрүн түһүмэхтэр түмүктэннилэр: тирэхтэр, туоруур тутуулар туруорулуннулар.
Бэлиэтэнэринэн, кэмигэр үбүлэннэҕинэ тутуу үлэтин бэс ыйыгар — сааскы халаан уута бүппүтүн кэннэ сөргүтүөхтэрэ. Аныгыскы түһүмэҕинэн муостаҕа чугаһааһыны оҥоруу уонна муоста болотунатын тутуу буолуоҕа.
Үлэ түмүктэннэҕинэ эбийиэктэр быйыл үлэҕэ киириэхтэрэ. Бырайыагы олоххо киллэрии тырааныспар ситимин тупсарыахтаах уонна Томпо оройуонугар суол инфраструктуратын эрэллээх буолуутун үрдэтиэхтээх.
