24 Ыам ыйа 24.05
  • -7°
  • $ 104,68
  • 115,6

Тохсунньу 7 күнэ. Юлиан халандаарынан Ороһооспо бэлиэтэнэр - Бикипиэдьийэ

09:00, 07 января
Текст:

Бэлиэ күннэр

  • Юлиан халандаарынан Ороһооспо бэлиэтэнэр
  • Flag of Armenia.svg Армения — Өлбүттэри кэриэстиир күн
  • Flag of Italy.svg Италия — Былаах күнэ. Циспадана Өрөспүүбүлүкэтэ диэн кылгас кэмҥэ Наполеон өйөбүлүнэн Италияҕа баар буола сылдьыбыт дойду бастакы былааҕы бу күн 1797 сыллаахха ылыммыт
  • Flag of Cambodia.svg Камбодьа — Геноциды кыайыы күнэ
  • Flag of Japan.svg Япония — Сэттэ от бэстибээлэ (Нанакуса-но сэкку). Бу былыргы үгэс Японияҕа Кытайтан кэлбит. Сэттэ оттоох рис хааһыны сииллэр, оччоҕо уһун олохтонуохпут, чэгиэн туруктаныахпыт, куһаҕаны үүрүөхпүт диэн итэҕэйэллэрэ

Түбэлтэлэр

  • Б.э.и. 49 сыл — Рим сената Цезарь аармыйатын ыспатаҕына судаарыстыба өстөөҕө буолуоҕа диэн быһаарыы ылыммыт. Онтон сылтаан кинини өйүүр трибуннар Цезарь турар сиригэр Равеннаҕа күрээбиттэр.
  • 1325 — Альфонсо IV Португалия хоруола буолбут.
  • 1558 — Герцог Гиз баһылыктаах Франция сэриилэрэ Кале куораты ылбыттар, бу Англия континеҥҥа тиһэх бас билиитэ этэ.
  • 1598 — Рюриковичтар династияларын Москубатааҕы салаатын бүтэһик киһитэ ыраахтааҕы Федор I өлбүт. Кини кэнниттэн Арассыыйа ыраахтааҕытынан Федор I кэргэнин убайа Борис Годунов буолбут.
  • 1610 — Галилео Галилей Юпитер түөрт улахан аргыһын арыйбыт. Ол аргыстар ааттара Ганимед, Каллисто, Ио уонна Европа.
  • 1877 — Марха улууһун Ньурба сэлиэнньэтигэр алын сүһүөх оскуолата аһыллыбыт.
  • 1935 — Бенито Муссолини уонна Франция тас дьыалаларын миниистирэ Пьер Лаваль Франция уонна Италия ыккардыгар сөбүлэҥҥэ илии баттаабыттар.
  • 1940 — Кыһыҥҥы сэрии: Раате суолугар буолбут кыргыһыыга 9-с фиин дивизията бэйэтинээҕэр элбэх сэбиэскэй чаастары урусхаллаабыт.
  • 1948 — Ойрот автономиялаах уобалаhын (Ойро́тская автоно́мная о́бласть) аата Хайалаах Алтаай автономиялаах уобалаhа (Го́рно-Алта́йская автоно́мная о́бласть) диэҥҥэ уларыйбыт. Билигин — Алтаай Өрөспүүбүлүкэтэ.
  • 1954 — Джорджтауннааҕы IBM эспэримиэнэ: Нью-Йорка IBM хонтуоратыгар массыына тылбааһын аан бастаан дьоҥҥо көрдөрбүттэр.
  • 1979 — Камбоджа Вьетнам сэриитин кэмигэр Вьетнам сэриилэрэ Камбоджа киин куоратын Пномпени ылбыттар. Инньэ гынан Пол Пот уонна кыһыл кхмердэр эрэһиимнэрэ сууллубут.
  • 1985 — Дьоппуон Сакигаке диэн планеталар ардыларынааҕы хараабылы космоска ыыппыт. Бу Сэбиэскэй Сойуустан уонна АХШ-тан атын дойдулар бастакы ыраах космоска ыыппыт аппаараттара буолар.
  • 1988 — «Геван» араадьыйа ыстаансыйатын бастакы биэриитэ тахсыбыт.
  • 2000 — Ороһооспотооҕу бэрэсидьиэн Харыйатыгар Саха Сирин устуоруйатыгар аан бастаан «Дьокуускай Сиэтл» видеоконференция ыытыллыбыт.
  • 2015 — Парижка Charlie Hebdo сурунаал эрэдээксийэтигэр теракт буолбут, 12 киһи өлбүт, 11 бааһырбыт.

Төрөөбүттэр

Өлбүттэр

  • 1943 — Никола Тесла — электротехника уонна радиотехника эйгэтигэр айааччы.
  • 2000 — Александр Рыжиков — Саха Сириттэн сылдьар милиисийэ подполковнига, ОМОН хамандыыра. Чечняҕа заложниктары босхолуур операция кэмигэр өлбүт.
Следите за самым важным и интересным в Telegram-канале и WhatsApp-группе ЯСИА
4
0