17 Тохсунньу 17.01
  • -48°
  • $ 73,82
  • 83,32

Таба ыстаадаларыгар сүүс дьиэ тутуллуоҕа

10:10, 07 марта 2018
Текст:

Арктика дьыаларыгар судаарыстыбаннай кэмитиэт кэлэр биэс сыл устата табаһыттарга 50 көһөрүллэ сылдьар дьиэни, таба мэччирэҥин маршруттарынан эмиэ соччо ахсааннаах олорор эбийиэги туттарарын туһунан иһитиннэрэр.


Көһөрүллэ сылдьар дьиэлэр туундара табаһыттарыгар, оттон маршруттар базаларын дьиэлэрэ тайҕа зонатын табаһыттарыгар тутуллуохтара. Онуоха барыта 20 мөл. солк. көрүллүөҕэ, — диир Иннокентий БалановБастакы дьиэлэр оҥоһуллан, Арктика улуустарыгар тургутууга сылдьаллар. Бу дьиэлэр тымныыны уонна тыалы аһардыбат матырыйаалынан оҥоһулуннулар, дөбөҥнүк, ол эбэтэр сүүрбэ мүнүүтэ иһинэн хомуллаллар-ыһыллаллар, ыйааһыннара чэпчэки, онон көһөрөн илдьэ сылдьарга бэрт табыгастаахтар.

Арктика дьыаларыгар судаарыстыбаннай кэмитиэт чахчытынан, табаны иитиигэ идэтийэр араас бас билиилээх 106 хаһаайыстыбаҕа 1792 киһи үлэлии-хамсыы сылдьар. Салааны сайыннарыыга, ол эбэтэр үлэ төлөбүрүн сорох чааһын толуйууга, базаны хаҥатыыга уо.д.а. быйылгы сылга 1 млрд. кэриҥэ харчы көрүллүбүт. Кэлэр биэс сылга таба ахсаанын 154 тыһыынчаттан 200 тыһыынчаҕа диэри тиэрдэр сорук турар.

0
0
17 января 17.01
  • -48°
  • $ 73,82
  • 83,32