Тааттатааҕы киин оройуоннааҕы балыыһа саҥа поликлиникатыгар уопсайа 600 тыһыынчаттан тахса диагностическай чинчийиини ыыппыттар. 2023 сылга поликлиника арыллыытыгар Россия бэрэсидьиэнэ Владимир Путин кыттыыны ылбыта. Бу туһунан СӨ доруобуйаҕа харыстабылын министиэристибэтэ иһитиннэрэр.
Тэрилтэҕэ 20 тыһ. тахса лучевой, 10 тыһ. ультразвуковой, 533 тыһ. араас лабораторнай, 600 эндоскопическай уонна 68 тыһ. функциональнай чинчниилэр оҥоһолуннулар. Ону таһынан, 3300 тахса физиотерапевтическай процедураны ыыппыттар.
Бүгүҥҥү күҥҥэ Тааттаҕа саҥа поликлиника элбэх чинчийиини оҥорор кыахтаах. Тэрилтэ 16 срезтаах көмпүүтэр томографтаах, бронховидеоскоптаах, видеоколоноскоптаах, цифровой УЗИ-лаах уонна рентген-аппараттаах, дерматоскоптаах уонна да атын лабораторнай оборудованиелаах. Диагностическай сулууспа улааппытынан, нэһилиэнньэ элбэх чинчийиини ааһар буолла.
Источник НВК Саха телеграм-ханаала
