Анал байыаннай дьайыы саҕаланыаҕыттан Таатта улууһун Ытык-Күөл сэлиэнньэтин иистэнньэҥнэрэ буойуттарга анаан иистэнэн барбыттара.
«Харыстаана» иистэнэр сыах 2023 сыл бэс ыйын 23 күнүгэр Никифорова Анна Егоровна көҕүлээһининэн сахалартан соҕотох Албан аат уордьан толору кавалера Д.А.Петров аатынан Ытык Күөл 2-с нүөмэрдээх орто оскуолатын (дир. Сергеев Д.В.) базатыгар тэриллибитэ.
«Илии сылааһын» иистэнэр сыах (сал. Саввина И.Е.) тэрийэр күрэхтэригэр көхтөөхтүк кытталлар. Кинилэр илиилэрин сылааһын иҥэрэн тикпит таҥастара анал байыаннай дьайыыга кытта сылдьар уолаттарга тиксэриллэн, күүстэригэр күүс эбэрэ, дойдуларын илгэлээх тыынынан араҥаччылыыра саарбаҕа суох.
Маннык үтүө санаалаах уран тарбахтаах иистэнньэҥнэри бүгүн улуус планеркатыгар чиэстээн, улууспут аҕа баһылыга Айаал Семенович Бурцев дьаһалта аатыттан махтал суруктары, сэмэй бэлэхтэри туттарда, суруйда @taattagazeta
