Эбийиэктэри Зырянкаҕа, Нелемное, Уһун Күөл уонна Утая сэлиэнньэлэригэр тутуохтара, «РусГидро» тэрилтэни кытта сөбүлэҥ чэрчитинэн.
«Бырайыак сүрүн сыала үгэскэ кубулуйбут энергия ылар источниктары аҕыйатыы уонна региоҥҥа энергоэффективноһы үрдэтии. Олохтоохторго уонна тэрилтэлэргэ эрэллээх, тохтоло суох энергиянан хааччыйыыны тэрийии», — диэтэ сыана бэлиитикэтин судаарыстыбаннай кэмитиэтин бэрэссэдээтэлэ Николай Бочков.
Барыта Саха сирин үрдүнэн 73 эбийиэк саҥардыллыахтаах, гибрид технологиятын туһанан. Инвестиция уопсай суумата 20 млрд солк.
Эрдэ маннык бырайыак Улахан-Күөлгэ, Кулун-Өлбүккэ, Хонууга, Чуумпу-Кытылга, Саһырга уонна Верхоянскайга үлэлээбитэ. Дизель уматыгын туттуу 1400 туоннаҕа диэри кыччаабыта. Ааспыт сыл балаҕан ыйыгар Өлүөхүмэ Урицкайыгар, Дабааҥҥа уонна Саҥыйахтаахха, Томпо Тополиное сэлиэнньэтигэр энергокомплекс киллэрбиттэрэ, уопсай кыаҕа 3,7 МВт.
