Бырагыраама хас да былаһаакканан тэриллиэҕэ. Сарсыарда ЯТЭК-тар сүүрүүлэрэ IV Спартакиаданы арыйыаҕа. Салгыы хамаанданан күрэхтэһиилэр, футбол, пейнтбол уонна квестар. Профессионаллар, эдэр спортсменнар кыттыылаах мотокросс ыытыллыаҕа, манна хампаанньа мото-оскуолатын иитиллээччилэрэ маастарыстыбаларын көрдөрүөхтэрэ. Квадроциклынан хатааһылааһын эбэтэр салгын шаарынан үөһэ халлааҥҥа тахсыы тэриллиэҕэ.
«Вдохновение» айар кииҥҥэ маастар-кылаастар, магическай шоу уонна бырааһынньыктааҕы аахсыйа оҕолорго ананыаҕа. Скейт-пааркаҕа — скейтбордиҥҥа уонна үҥкүүгэ маастар-кылаас, уулуссатааҕы диджей-сет уонна бырааһынньыктааҕы салгын эһигини күүтэр.
«Сырфест» иккис гастрономическай бэстибээлгэ өрөспүүбүлүкэ бастыҥ шеф-повардара мустан, аан дойду араас куухунатын бүлүүдэлэрин астаан көрдөрүөхтэрэ.
