Сыл бастакы аҥарыгар Саха сиригэр ОДьКХ өҥөлөрүн иһин төлөбүргэ көмө харчыны 16 тыһыынчаттан тахса ыал тутта.
Барыта субсидия Ааҕыныстыбатыгар 17 676 дьиэ кэргэн сайаапка биэрбититтэн 16 729 көмөнөн туһанар буолбут. 1205 ыал субсидиянан бастакытын туһаммыт. Бу күҥҥэ 428,6 мөл солк.харчы төлөммүтүн туһунан ОДьКХ министиэристибэтин пресс-сулууспата иһитиннэрэр.
Санатабыт, ОДьКХ өҥөлөрүн иһин төлөбүр дьиэ кэргэн уопсай дохуотун 15% куоһарар буоллаҕына, көмөҕө сайаапка суруйуохха наада. Субсидия алта ыйга болдьохтоох бэриллэр. Кини кээмэйэ ыал дохуотуттан, састаабыттан, олорор усулуобуйатыттан тутулуктаах.
Пандемиянан сибээстээн, субсидия болдьоҕо муус устар ыйтан алтынньыга диэри түбэhэр буоллаҕына, ону өссө алта ыйга уһатар туһунан Арассыыйа Бырабыыталыстыбатын ыйааҕа тахсыбыта. Онно олоҕуран, субсидиянан туһаныы болдьоҕун быһа уһаталлар.
Субсидиянан туһаныан баҕалаахтар сайаапкаларын www.e-yakutia.ru эбэтэр МФЦ нөҥүө биэриэхтэрин сөп. Сиһилии 8-800-222-50-70, subsidii-jku.ru саайтка, @as_ykt Инстаграм сирэйигэр, ofl@gkuas.ru билсиэххитин сөп.
