Дьокуускай олохтооҕо Ольга Федосеенко уола Александр СВО саҕаланыыта дойдуну көмүскүү казачай этэрээт састаабыгар барбыта. Иккиһин, уопуттаах буолан, БАРС-2 батальону кытта барбыта. Александр, алта бииргэ сулууспалыыр дьонун кытта, Харьков хайысхатынан геройдуу охтубуттара. Сиэнэ Иван мобилизацияламмыта уонна 25 сааһын Запорожьеҕа инники кирбиигэ көрсүбүтэ.
ЯСИА уонна «Защитники Отечества» судаарыстыбаннай пуонда «СВОя история» бырайыактарын уочараттаах таһаарыыларыгар Ольга Федосеенко хорсун санаалаах уолун уонна сиэнин, чугас дьоннорун хайдах өйүүллэрин туһунан кэпсээтэ.
