«Бу дьиэ кэргэн казуальнай аркадата персональнай компьютерга анаммыт оонньуу буолар. Джойстикка оонньуохха сөп. Релиз муус устарга STEAM компьютернай оонньуулар платформаларыгар тахсыаҕа», – диэтэ Николай Потапов.
Оонньуу хайдах айыллыбытын ЯСИА видеосюжетыгар көрүҥ.
СВО бэтэрээнэ эрдэ VEDROID промышленнай роботы айааччынан биллэрэ, Саха сиригэр оҥороро, Казахстааҥҥа илдьэрэ.
2022 сыл балаҕан ыйыгар Николай Потапов быстах хомуурга баҕа өттүнэн тиийбитэ. Бырааһынан Россия Тихоокеанскай флотун муора пехотатыгар сулууспалаабыта. Кимэн киирии кэмигэр ыараханнык бааһырбыта уонна реабилитацияҕа дьиэтигэр кэлбитэ. Кини историята «Алдан» художественнай киинэ төрүөтэ буолар.
Дьокуускайга кэлээт, ИТ-эйгэҕэ киирбитэ, ExpoSkillsа программирование оскуолатын сайдыытыгар, анал байыаннай дьайыыга барыан иннигэр тэрийбит дьыалатыгар күүскэ ылсыбыта. Бүгүн ИТ-оскуола Саха сирин уонна Донецкай Народнай Өрөспүүбүлүкэ оҕолорун сайт оҥоруутугар уонна компьютер оонньуулары айыыга үөрэтэр.
Николай Потапов «Якутия — Земля героев» бырагыраамаҕа кыттыыга сайаапка биэрбитэ.
