Бу Бүлүүлүүр аартык 16-с килэмиэтиригэр бэриллибит учаастактарга сыһыаннаах. Бу сиргэ массыына суола, гаас, уу, элэктэриичэстибэ ситимэ тардыллыахтаах.
2021-2025 сылларга Бүлүүлүүр аартык сирэ муниципальнай бас билиигэ киирэн, былааннааһын, тыырыы бырайыага бигэргэнэн, бу сири 964 учаастакка араарбыттара. 2025-2025 сылларга үстэн элбэх оҕолоох ыалларга түҥэппиттэрэ.
«Якутскэнерго» уонна «Сахатранснефтегаз» суоттааһыннарынан, манна 478 мөл. солк. наада. Муниципальнай бырагырааманан 2025 сылга бу сыалга 35 мөл. солк. эрэ көрүллүбүт. Эбии тутуу министиэристибэтигэр 248,6 мөл. солк. субсидияны ыларга сайаапка түһэрбиттэр.
Суут мэрияны бу боппуруоска тугу да гымматаҕынан аахта. Бүддьүөккэ үп суоҕа муниципальнай былааһы эбээһинэстэн босхолообот. Инженернэй инфраструктура суох буолан, учаастакка олорор, дьиэ туттар кыаллыбат.
Мэрия бу быһаарыыны утары үҥсүбүт, ол эрээри, СӨ Үрдүкү Суута уларыйыыта суох хаалларда диэн СӨ сууттарын холбоһук пресс-сулууспалара иһитиннэрэр.
