СӨ Суруналыыстарын сойууһа Бэчээт күнүгэр аналлаах сылын аайы ыытыллар куонкурус түмүгүн таһаарда. Бу туһунан Саха сирэ суруйар.
«Кыһыл көмүс бөрүө” бириэмийэни “Киин куорат” хаһыат суруналыыһа Айыына Ксенофонтова ылла.
Тэлэбиидэнньэ суруналыыстарыгар аналлаах “Кыһыл көмүс микрофон” бириэмийэ хаһаайынынан “Саха” НКИХ ыытааччыта, бырайыактар ааптардара Максим Березин буолла.
Араадьыйа үлэһиттэригэр “Кыһыл көмүс микрофон” бириэмийэ хаһаайынынан “Саха” НКИХ араадьыйа дириэксийэтин эрэдээктэрэ Иван Тарасов буолла. “Дебют года” ааты “Саха” ГТРК биэрии кэрэспэндьиэнэ Айтал Павлов ылла.
«Сыл бастыҥ интэриниэт таһаарыыта» бириэмийэни “Саха” НКИХ “Чохоон” оҕо ханаала ылла. “Сыл бастыҥ дизайна” ааты Хаҥалас оройуонун “Хаҥалас” хаһыат тиэхиньиичэскэй эрэдээктэрэ Арсентий Афанасьев ылла.
“Көдьүүстээх суруйуу” ааты “Кыым” хаһыат кэрэспэндьиэнэ Саргылаана Багынанова ылла. «Бастыҥ уопсастыбаннай кэрэспэндьиэнинэн» “Ил Түмэн” хаһыат уопсастыбаннай кэрэспэндьиэнэ Валентина Соломонова ааттанна.
“Бастыҥ пресс-сулууспанан” Дьокуускай куорат дьаһалтатын сулууспата буолла. “Медиаперсона года” үрдүк ааты “Ситим-медиа” ХЭУо генеральнай дириэктэрэ, норуот дьокутаата Мария Христофорова ылла.
Ульяна Захарова
