Сунтаар улууһугар сири кытта үлэлиир тэрилтэлэр элбэхтэр. Ордук Кириэстээххэ, Куокунуга, Тойбохойго улахан бааһыналар бааллар. Урукку сопхуос саҕанааҕы сири-уоту чөлүгэр түһэриигэ улуус улахан болҕомтотун туһаайар.
«Татыйыына» фирма сири кытта үлэлээбитэ быйыл төрдүс сыла. Илимнииргэ 90, Аллыҥаҕа 30 гектар сирдээхтэр. Быйыл бырагыраамаҕа киирсэн, Сабытарга 52 гектардаах сири ыраастаатылар.
Манна бастакы сылларыгар сири ыраастыыр сыалтан эбиэһи ыһыахтара. Оттон үүнүү өлгөм буоллаҕына, эһиилгиттэн атын үүнээйилэргэ ылсыахтара.
Ханнык баҕарар сүөһү-сылгы иитиитинэн дьарыктанар хаһаайыстыба, хайаан да, үчүгэй сирдээх-уоттаах буолуохтаах. Сүөһү эбии аһылыгын бэлэмнээн, туорахтаах култуураны үүннэрэн, хаһаайыстыба уйгута тупсар, суруйда @suntaar_ulus
