Сунтаар улууһун баһылыга Анатолий Григорьев дьаһалынан хас оптуорунньук ахсын үөрэх тэрилтэлэригэр оһуохай дуорайар. Ол курдук, Сергей Зверев- Кыыл Уола төрүөбүтэ 125 сылыгар сүгүрүйэн, кинини кытта быстыбат ситим олохтонно.
Билиҥҥи кэмҥэ оҕо сахалыы саҥарар сатабылын сайыннарыыга, төрүт үгэһи утумнуурга, бэйэтин омугун таптыы, ытыктыы үөрэнэригэр маннык хамсааһын олус наадалаах, диэн суруйда @suntaar_ulus
Сэтинньи 5-с күнүгэр оптуорунньуктааҕы оһуохайга элбэх оҕо түмүстэ, илии илиилэриттэн ылсан, тоҥонохтон тутуһан оһуохайдаан бардылар. Бэртээхэй бачыым тиһигин быспакка өссө киэлилээн сайдан истин, диэн тэрийээччилэр санааларын эттилэр.
