Сунтаар сэлиэнньэтин баһылыга 41 саастаах Эдуард Филиппов СВО-ҕа баҕа өттүнэн алта ыйга барда. Ол туһунан ЯСИА-ҕа Сунтаар улууһун баһылыга Анатолий Григорьев иһитиннэрдэ.
«Сунтаар сэлиэнньэтин баһылыга Эдуард Филиппов анал байыаннай дьайыы буола турар сиригэр баҕа өттүнэн тылланан бэҕэһээ барда. «Боотур» этэрээккэ киирдэ. Баһылык эбээһинэһин толорооччунан баһылык солбуйааччыта Семен Николаев үлэлии хаалла. Сулууспата 6 ый болдьохтоох», — ЯСИА-ҕа Анатолий Григорьев эттэ.
