Салгыы күрэхтэһэр быраабы ыллылар: Данил Обуткин (Алдан), Алексей Слепцов (Мэҥэ Хаҥалас), Василика Васильева (Дьокуускай), Александр Карманов (Амма), Алена Слепцова (Хаҥалас), Максим Кузьмин (Өлүөхүмэ), Ева Попова (Чурапчы), Снежана Черноградская (Ньурба), Елена Жиганюк (Уус Алдан), Тимур Тихонов (Сунтаар), Марианна Хобусарова (Үөһээ Бүлүү), Аким Федоров (Бүлүү), Александр Софронеев (Жатай), Мария Кузьмина (Таатта), Кэскил Софронеев (Нерюнгри).
Эстрада театрын художественнай салайааччыта уонна куонкурус сүрүн тэрийээччитэ Мария Герасимова кыттааччылар үрдүк бэлэмнээхтэрин эттэ, 15 киһи күүстээх талыыны ааста. «Кыттааччылар нүөмэрдэрэ эмоциялаах, үөрүү уонна харах уута арыаллаах», — диэтэ кини.
Салгыы эдэрдэр алта хонук ырыаҕа уруоктары ылыахтара, маастар-кылаастарга кыттыахтара.
«СулуСтар»-га 18 — 35 саастаах эдэр дьон кыттар. Ырыа хайысхата араас: академическай вокал, эстраднай вокал, этно-вокал уонна да атыттар. Наставниктарынан эстрада тыйаатырын артыыс-ырыаһыттара үлэлииллэр.
Сорудахха икки ырыаны ыллааһын киирэр. Быйыл ыччат бэстибээлэ Кыайыы 80, Россияҕа Аҕа дойдуну көмүскээччи, Саха сиригэр Ийэ дойдуну көмүскээччи сылларыгар ананар. Бастакы ырыата — Ийэ дойду көмүскэлигэр анаммыт буолуохтаах, иккиһэ — бэйэтэ талар.
