Хой
Ситиһиилээх үлэ күн бастакы аҥаарыгар табыллыаҕа. Эбиэт кэннэ дьиэ кэргэниҥ болҕомтону эрэйиэҕэ. Бүгүн эйигиттэн көмө көрдөһөөччү элбэх буолуоҕа.
Оҕус
Араас харгыстар үөскээннэр, хаһааҥҥытааҕар даҕаны кыһаллыаҥ. Сылаалаах күн буолуоҕа, ол эрээри элбэҕи оҥоруоҥ. Уустук соругу быһаарар кыахтааххын. Бүгүн сиппитиҥ-хоппутуҥ кэнники биллиэҕэ.
Игирэлэр
Күндүргэтэр дьоҥҥун кытта сылаас сыһыан олохтонуо. Үпкэ-харчыга, баайга-дуолга сыһыаннаах үчүгэй сонуну истиэҥ. Эбии дохуоттанар этиигэ сөбүлэс.
Рак
Бээтинсэҕин хайдах саҕалыаҥ да, оннук атаарыаҥ. Үлэ боппуруостарын уталыппакка быһаара сатаа. Чугас дьоҥҥун кытта сыһыаныҥ эрэммэккиттэн мөлтүөн сөп. Күнүүлүүртэн уонна болҕомто эрэйэртэн туттун.
Хахай
Бүгүн саҥа соруктарга ылсыбат ордук. Күн аайы оҥорор үлэҕин кэбэҕэстик толоруоҥ. Чугас дьонуҥ соһуччу этии оҥорон эбэтэр былааннарын үллэстэн соһутуохтара.
Кыыс
Бэйэҥ билиигэр-көрүүгэр уопуккар тирэҕирэриҥ ордук, атыттарга итэҕэйэн, олорон хаалыаххын сөп. Харчы төлүүр буоллаххына, кичэйэн аах-суоттаа.
Ыйааһын
Ис туругуҥ холку, үчүгэй. Эрдэ саҕалаабыккын тиһэҕэр тиэрдэр, оннун булларар түгэн көстүө. Саҥаны билэр баҕаҥ күүһүрбүт – үөрэххэ сурутарга, үөрэнэн саҕалыырга саамай тоҕоостоох.
⠀
Скорпион
Тулаҕар буккуур бөҕө буолуон сөп. Уопсай хааһыга буккуспат буола сатаа. Былааныҥ уларыйыах курдук буоллаҕына, олус ыгылыйбакка быһаарын.
Охчут
Өр кэмҥэ көһөрө сылдьыбыт үлэҕин бүтэр оҕус. Олус өрүкүйбэтэххинэ эрэ түргэнник быһаарыаҥ. Киэһэҕин чуумпутук, дьиэ кэргэҥҥин кытта атаар.
Чубуку
Күнүҥ олус үчүгэй түгэннэри бэлэхтиэ. Үлэҕэр даҕаны барыта кэминэн. Эн тускар үчүгэй этии киириэ.
Күрүлгэн
Ыксаабат ордук уонна үчүгэйдик билэр дьыалаҕар ылыс. Үчүгэй дьону кытта билсиһии күүтэр, аһаҕас буол.
Балыктар
Кыра аайы ымыттыбат буола сатаа, барыта кистэлэҥнээх, хос түгэхтээх диэн санааҕын киэр кыйдаа. Соччо эрэммэт дьонуҥ төттөрүтүн бэриниилээхтэрин көрдөрүөхтэрэ.
Аһаҕас источниктан ылылынна
