«Тыгын Дархан» киинэни Россия 55 киинэ тыйаатырыгар уонна Казахстааҥҥа көрдөрүү саҕаланна. СИА-ҕа Саха сирин норуоттарын аудиовизуальнай нэһилиэстибэ кииниттэн иһитиннэрдилэр.
Россияҕа бүгүн «Тыгын Дархан» киинэни көрдөрүү саҕаланна. Прокат 53 куораты уонна 55 киинэ тыйаатырын хабыаҕа. Итиэннэ Казахстаан биир куоратыгар таһаарыллыаҕа.
«Көрөөччү историческай киинэни куруук интэриэһиргиир. Төһө да балаһыанньа коронавируһунан тыҥаан турдар, киинэ тыйаатырдара үлэлииллэр. Интэриэс үөскүүр. Бу киинэ киэҥ араҥаҕа тахсыытыгар туһалаах буолуон сөп», — диэтэ киин сүрүннүүр методиһа Ольга Лобанова.
Киинэ 2-4 нэдиэлэ көрдөрүллүөҕэ. Санатар эбит буоллахха, былаан быһыытынан, киинэ бэс ыйыгар тахсыахтааҕа.
«Ити эрээри биһиги сэтинньигэ көһөрбүппүт. Норуот сомоҕолоһуутун күнүн талбыппыт», — диэтэ кини.
Сиһилии https://ysia.ru/v-den-narodnogo-edinstva-startoval-vserossijskij-prokat-filma-tygyn-darhan/.
This post was published on 04.11.2021 16:01 16:01