2025 сыл сэтинньитигэр оҕо уонна биэнсийэ босуобуйаларын төлөбүрдэрин болдьоҕо, бырааһынньык күннэринэн сибээстээн, уларйыаҕа диэн «Известия» иһитиннэрэр. Манан сибээстээн төрөппүттэр уонна биэнсийэлээхтэр харчыны кэмигэр ыларга көһөрүү күннэригэр болҕомтолорун ууруохтаахтар.
Төлөбүрдэр күннэрэ тоҕо 2025 сыл сэтинньитигэр уларыйарый
2025 сыл сэтинньитигэр Россия дьонун социальнай төлөбүргэ улахан уларыйыылар күүтэллэр. Норуот сомоҕолоһуутун күнүн бырааһынньыгын уонна өрөбүл күннэрин көһөрүүнэн кэккэ босуобуйалар эрдэ төлөнүөхтэрэ, оттон сорох биэнсийэлээхтэр үрдээбит биэнсийэни тутуохтара.
Өрөбүллэри көһөрүү маннык: сэтинньи 1 күнэ — үлэ күнэ, оттон сэтинньи 3 күнэ — өрөбүл, онон социальнай төлөбүрдэр болдьоҕун иннинэ, сэтинньи 1 күнүгэр, гражданнар бырааһынньыктарга бэлэмнэнэллэригэр кэлиэхтэрэ.
2025 сыл сэтинньигэ оҕо төлөбүрэ хаһан киирэр
Оҕо босуобуйатын төлөөһүнэ үксүгэр ый 10-с күнүгэр диэри оҥоһуллар эрээри, сэтинньи ыйга харчы эрдэ кэлиэ.
Сэтинньи 1 күнүгэр болдьоҕун иннинэ биир кэлим босуобуйаны, үс сааһыгар диэри бастакы оҕоҕо төлөбүрдэри, үлэлээбэт дьоҥҥо 1,5 сааһыгар диэри оҕону көрөр босуобуйаны, үс сааһыгар диэри байыаннай үлэһит оҕотугар босуобуйаны уонна хат дьахталларга биир кэлим босуобуйа аахсыахтара. Үксүгэр бу төлөбүрдэр ый 3-с күнүгэр кэлэллэр эрээри, сэтинньи ыйга 3 чыыһыла -өрөбүл.
Сэтинньи 5 күнүгэр ийэ хапытаалыттан ыйдааҕы босуобуйаны ааҕыахтара, онтон сэтинньи 7 күнүгэр 1,5-гэр диэри саастаах оҕолоох үлэлиир төрөппүттэр эмиэ болдьоҕун иннинэ төлөбүрү ылыахтара. Харчыны ыытыы күнү быһа барыан сөп.
Санатан эттэххэ, сэтинньи ыйга Арассыыйа олохтоохторо алтынньытааҕы социальнай төлөбүрдэри ылаллар.
Биэнсийэ төлөбүрэ 2025 сыл сэтинньи ыйыгар
Биэнсийэ ый 3-тэн 25-с күнүгэр диэри төлөнөр. Чопчу күн регионтан уонна ылыы ньыматыттан тутулуктаах.
Бырааһынньык күннэригэр биэнсийэлэр кыраапыктара уларыйан, биэнсийэлээхтэр үлэлээбэт күннэргэ төлөбүрдэр бытаарыыларын көрсүбэттэрин курдук дьаһал ылыллар. Стандартнай төлөбүр күнэ бырааһынньыкка эбэтэр өрөбүлгэ түбэһэр буоллаҕына, биэнсийэ болдьоҕун иннинэ төлөнөр — үгэс курдук бырааһынньыктар иннилэрин тиһэх үлэ күнүгэр.
