16 Атырдьах ыйа 16.08
  • 13°
  • $ 61,37
  • 62,51

Сергей Бойцов Сүрэх-тымыр киинин инники кэскилин туһунан

Бүгүн Дьокуускайга аһыллыбыт өрөспүүбүлүкэтээҕи сүрэх-тымыр киинэ, ыарыылаахтарга быдан таһымнаах медицинскэй көмөнү оҥорорго олук буолуоҕа, ону тэҥэ, үөрэхтээһин үчүгэй базата буолуон сөп. Бу туһунан медицинскэй наука доктора, профессор, РАН академига, кардиологияҕа НМИЦ,  Киин, Урал, Сибиир уонна Уһук Илин федеральнай уокуруктарыгар Арассыыйа Доруобуйатын харыстабылын сүрүн внештатнай кардиолога Сергей Бойцов кэпсээтэ.

Бүгүн, муус устар 30 күнүгэр, Дьокуускайга Саха АССР 100 сыллаах үбүлүөйүн бэлиэтиир тэрээһиннэр чэрчитинэн өрөспүүбүлүкэтээҕи сүрэх-тымыр киинэ арылынна. Өрөспүүбүлүкэ мэдэссиинэҕэ саҥа тэрилтэтин үөрүүлээх арыллыытыгар Арассыыйаҕа доруобуйа харыстабылын миниистирэ Михаил Мурашко, Саха сирин аҕа баһылыга Айсен Николаев, судаарыстыбыннай Дума депутата Галина Данчикова, НМИЦ кардиология генеральнай дириэктэрэ Е. И. Чазова, РАН академига, Киин, Урал, Сибиир уонна Дальнай Восток федеральнай уокуруктарыгар дойду сүрүн внештатнай кардиолога Сергей Бойцов, Арассыыйа Доруобуйа харыстабылын министиэристибэтин бэрэстэбиитэллэрэ, Саха сирин бырабыыталыстыбаларын бэрэстэбиитэллэрэ, медицинскэй уопсастыбалар уонна общественнай тэрилтэлэр бэрэстэбиитэллэрэ кыттыыны ыллылар. Үөрүүлээх тэрээһин кыттыылаахтара экскурсия кэмигэр кардиоцентр кыаҕын кытары билистилэр.

«Көрбүппүттэн олус долгуйдум. Бу киини аһары сыаналыыр сатаммат, тоҕо диэтэххэ дойду үрдүнэн маннык холобурдар аҕыйахтар. Бу киин саҥа технологическай таһымҥа медицинскэй көмөнү оҥоруу түмүгүн эрэ буолбакка, ордук суолталаах соруктары быһаарыаҕа», — диэн түөрт федеральнай уокурукка кылаабынай внештатнай кардиолог Сергей Бойцов санаатын үллэһиннэ.

Следите за самым важным и интересным в Telegram-канале и WhatsApp-группе ЯСИА
0
0