«Саюри» теплицаҕа «Россельхознадзор» управлениетын сотрудниктара алтынньы 17 — 25 күннэригэр чинчийии ыыттылар. Биэдэмистибэҕэ эппиттэринэн, бэрэбиэркэ түмүгэр буортулааччы үөн уонна вирус булуллубата.
Кэтээн көрүү ньыматынан, сахсыйан, проба ылан уонна феромоннай ловушкалар көмөлөрүнэн комплекс 16 теплицата барыта бэрэбиэркэлэннэ. 70 феромоннай ловушка арҕааҥы трипс уонна томат үрүмэччитигэр уурулунна, итиэннэ томакка вирус баарын билиигэ проба оҥоһулунна.
«Саюри» салалтатыгар мониторинг докумуона туттарылынна. Онно сурулларынан, теплица фитосанитарнай туруга үчүгэй.
Сылы эргиччи үлэлиир теплица почвата суох оҕуруот аһын үүннэриинэн дьарыктанар, үүнээйилэр астарын анал уу булкадыһыгыттан ылаллар.
Теплица Дьокуускай олохтоохторун оҕуруот аһынан хааччыйарын таһынан, өрөспүүбүлүкэ элбэх улууһугар эмиэ ыыталыыр. Күн аайы комплекс 8 туонна оҕурсуну уонна томаты дьоҥҥо тириэрдэр. Маны сэргэ күөх культураны үүннэрэллэр, атын оҕуруот аһын.
400-тэн тахса предприниматель «Саюри» бородууксуйатын тарҕатыыга ылсар, сибиэһэй оҕуруот аһынан дьыссааттар уонна балыыһалар хааччыллаллар.
