М.К. Аммосов аатынан университет Дьокуускайга Арктика норуоттарын төрүт ыарыыларын регистрын уонна биобаанын оҥорууну саҕалаата. Сахаларга сэттэ ураты ыарыы баара биллэр. Ол туһунан ТАСС-ка мединститут «Молекулярная медицина и генетика человека» научнай-чинчийэр лабораториятын салайааччыта, медицина наукатын доктора Надежда Максимова кэпсээтэ.
Сахаларга сэттэ генетическай сэдэх ыарыы баара биллэр. Сылын аайы маннык ыарыылардаах 15-кэ тиийэ оҕо төрүүр. Бу ыарыылар ортолоругар тирозинемия баар. «Эмтээһин баар, ити эрээри олус сыаналаах. Бу маннык диагнозтаах биир оҕону эмтииргэ сылга 1 мөл солк наада. Ыарыы олус ыарахан, эмтэммэтэҕинэ оҕо өлөр«, — диэтэ учуонай Надежда Максимова.
Норуот быһыытынан ураты ыарыыларга бааллар: SOPH-синдром, кыра уҥуохтаах буолар, көрөр ньиэрбэтэ хатар, 3-М-синдром — сахалыы синдром дэнэр, кыра уҥуохтаныы, бастакы А-тииптээх төрүөҕүттэн истибэт буолуу, метгемоглобинемия, нейрональнай цероиднай липофусциноз алтыс тиибэ, бу түбэлтэҕэ оҕо кыра сааһыгар олохтон күрэнэр.
Сиһилии: https://ysia.ru/uchenye-sozdayut-registr-nasledstvennyh-boleznej-narodov-arktiki/
