Уус Алдан улууһуттан Михаил Шелковников уонна Марфа Новгородова дьиэ кэргэттэрэ Улуу Кыайыыга сыаната суох кылааттарын киллэрбиттэрэ: алта уол сэриигэ кыттыбыта, икки кыыс уонна өссө биир уол тыылга үлэлээбиттэрэ.
Уолаттара Гаврил, Роман, Егор, Федор, Прокопий уонна Михаил саамай хаан тохтуулаах кыргыһыыларга өстөөҕү туоратыыга кыттыбыттара, икки кыыһа Дария, Александра уонна уола Дмитрий тыылга Кыайыыны уһансыбыттара.
Билигин дойду үрдүнэн Шелковниковтар дьиэ кэргэн сүүһүнэн удьуордара олороллор, кинилэр дьоннорун хорсун быһыыларын өйдүүллэр, ытыктыыллар. Кыайыы 75 сылыгар кинилэр төрөөбүт Дүпсүн нэһилиэктэригэр дьоннорун кэриэстэригэр аллея-мемориалы тэрийэрбиттэрэ.
