Дойду спордун миниистирэ Михаил Дегтярев бирикээһинэн Саха сирин дьонугар Россия спордун маастардарын ааттара иҥэрилиннэ. Тустаах дастабырыанньалары мас-трестлердар уонна сумоист ылыахтара, диэн ЯСИА иһитиннэрэр.
Мас-рестлиҥҥа Россия спордун маастара аат аан дойду чемпионатын үрүҥ көмүс призера Чурапчы улууһуттан сылдьар Светлана Молукова иҥэрилиннэ. Быйыл кини эмиэ дойду чемпиона буолбута.
Итинник аакка Сунтаар улууһуттан Ньургун Петров уонна Нам улууһуттан Денис Федоров тигистилэр. Кинилэр Россия эдэрдэргэ күрэхтэһиитин кыайыылаахтара буолаллар.
Оттон Россия сумоҕа спорт маастара Кэбээйи улууһуттан Сергей Николаев буолла. Былырыын эдэр спортсмен дойду күрэхтэһиитин кыһыл көмүһүн ылбыта.
