«Боотур» үөрэх киинин полигонугар күүскэ бэлэмнэнэн баран, дойду хас да уонунан патриота Аҕа дойдуну көмүскүүргэ анал байыаннай дьайыы зонатыгар айаннаатылар. ЯСИА-ҕа үөрэх киинигэр иһитиннэрбиттэринэн, бу байыастар 31-с этэрээттэрэ.
СӨ кылаабынай федеральнай иниспиэктэрэ бойобуой сорудаҕы толоруу кэмигэр өстөөх дрона быһаччы түбэспититтэн ыарахан бааһырыыны ылбыт «Балыксыт» диэн ыҥырыылаах этэрээт доброволеһын наҕараадалаата. Евгений Корнеев Аҕа дойдуну көмүскээччилэригэр бэйэ-бэйэҕэ харыстабыллаахтык сыһыаннаһалларыгар, кииҥҥэ үөрэх кэмигэр ылбыт үөрүйэхтэрин туһаналларыгар баҕарда.
СВО-ҕа ыарахан эчэйиини ылбыт Саха сирин ыччатын миниистирэ Петр Шамаев байыастары хаһан да сэрэҕи сүтэрбэккэ сылдьалларыгар сүбэлээтэ. «Саха Сирэ — Геройдар Сирдэрэ» кадровай бырагыраама курсаана, РФ оборуонатын министиэристибэтин байыаһа, төбөтүгэр бааһырыылаах Ришат Аюпов уолаттарга өстөөх мэлдьи аттыгар сылдьарын умнубаттарыгар эттэ. Бойобуой дьайыы инбэлиитэ, ЧВК разведкалыыр подразделениетын байыаһа Назар Петров «Үс НЕ» диэн кыһыл көмүс быраабыланы ааттаата: дьиссипилиинэни кэһимэ, үстэн тахса буолан түмсүмэ, мөккүөргэ кииримэ.
Волонтердар алгыстарын кэннэ Айсен Николаев кадровай бырагырааматын курсааннара байыастарга толору састааптаах кыайыылаахтык төннөллөрүгэр, дойду туһугар салгыы «Саха Сирэ — Геройдар Сирдэрэ» кэккэҕэ киирэллэригэр баҕардылар.
