«Россия» быыстапка-пуорумҥа Уһук Илин уонна Арктика күнүгэр Саха сирин ыала Владислав уонна Жанна Федоровтар дьиэ кэргэни арчылыыр Россия уотун Уһук Илин федеральнай уокурук регионнарыгар тириэрдэр. Ол туһунан регион салалтатын пресс-сулууспата иһитиннэрдэ.
Федоровтар ааспыт сыл сэтинньитигэр «Россия» быыстапка-пуорумугар сахалыы үгэһи тутуһар урууну тэрийбитэ. Маны сэргэ кинилэр дьиэ кэргэни арчылыыр Россия уотун уматыыга уонна ВДНХ-ҕа «Россия сүрэҕэ» сүрүн сценатыгар кыттыбыттара.
Дьиэ кэргэни арчылыыр уоттан 12 лампаданы уматтылар. Балар бары федеральнай уокурукка уонна дойду саҥа регионнарыгар айанныыллар. Аахсыйа РФ 89 субъегын хабар.
