УФСИН начаалынньыга Сергей Калиновскай сотору кэминэн анал байыаннай дьайыыга бойобуой соруктары толоруохтаах сахалары кытта көрүстэ. Этэрээт байыастарыгар кытаанах доруобуйаны, дьолу-соргуну баҕарда, кэлэктиибинэн бадараанынан сылдьар техника атыылаһан биэрэллэрин туһунан кэпсээтэ.
УФСИН начаалынньыга Сергей Калиновскай уонна кини солбуйааччы Анатолий Вальтер «Боотур» анал бэлэмнэнии үөрэтэр киинигэр сырыттылар, диэн биэдэмистибэ пресс-сулууспата иһитиннэрэр.
Территориальнай уорган салайааччыта күүстээх үөрэх кууруһун түмүктээн, сотору кэминэн анал байыаннай дьайыыгаа бойобуой соруктары толоруохтаах саха буойуттарын кытары көрүстэ уонна тус састаап аатыттан кытаанах доруобуйаны, дьолу-соргуну баҕарда. Ону тэҥэ УФСИН кэлэктиибэ боеприпастары тиэрдэр, бааһырбыттары тиэйэр-таһар кыахтаах бадараанынан сылдьар техниканы атыылаһыыга үп хомуллубутун иһитиннэрдэ.
Үөрэх киинин начальнига Иннокентий Лазарев УФСИН үлэһиттэригэр анал байыаннай дьайыы кыттыылаахтарыгар көмөлөһөллөрүгэр махталын биллэрдэ.
